સુનીતા વિલિયમ્સની વાપસીથી ઝુલાસણમાં જશ્નનો માહોલ
સુનીતા વિલિયમ્સની વાપસીથી ઝુલાસણમાં જશ્નનો માહોલ
Blog Article
નાસા ગુજરાતી મૂળના અવકાશયાત્રી સુનીતા વિલિયમ્સ અને સાથીદાર બુચ વિલ્મોર સાથેનું સ્પેસએક્સ કેપ્સ્યુલ ફ્લોરિડાના દરિયાકિનારે ઉતર્યું ત્યારે સુનીતાના મહેસાણા જિલ્લાના ઝુલાસણ ગામમાં દિવાળી જેવો ઉત્સવનો માહોલ સર્જાયો હતો.
ઝુલાસણના લોકો ગામના મંદિરમાં ટેલિવિઝન સ્ક્રીન પર લાઇવ જોવા માટે ભેગા થયા હતાં, બધાની નજર વિલિયમ્સના સુરક્ષિત વાપસી પર હતી. સુનીતાની ધરતી પર વાપસી સાથે જ ગામના લોકોએ ફટાકડા ફોડીને આતશબાજી કરી હતી. લોકો નાચ્યા હતો અને ‘હર હર મહાદેવ’ ના નારા લગાવીને આ ક્ષણની ઉજવણી કરી હતી. લોકોએ એકબીજાને મીઠાઈ ખવડાવીને ઉજવણી કરી હતી.
વિલિયમ્સ પરત ફરી રહ્યાં હતાં, ત્યારે ગામલોકો મંદિરમાં ભેગા થયા હતા અને ‘યજ્ઞ’ કર્યો હતો. તેમના સુરક્ષિત પાછા ફરવા માટે મંદિર પરિસરમાં ‘અખંડ જ્યોત’ અને અખંડ ધૂન ચાલુ કરવામાં આવી હતી.
સુનીતા વિલિયમ્સના આ પૈતૃક ગામના રહેવાસીઓ તેમને ધરતી પર આવકારવા માટે પહેલાથી જ દિવાળીના ઉત્સવ જેવી તૈયારી ચાલુ કરી હતી.
વિલિયમ્સના પિતા દીપક પંડ્યાના પૂર્વજોના ઘર તરીકે જાણીતું ઝુલાસણ ગામ ઉત્સાહથી જીવંત બન્યું હતું. લોકોએ ખાસ પૂજા અર્ચના કરી હતી દેવી ડોલા માતાના મંદિરમાં અખંડ જ્યોત પ્રગટાવી હતી.
વિલિયમ્સના પિતરાઈ ભાઈ નવીન પંડ્યાના જણાવ્યા અનુસાર, તેમના માનમાં એક ભવ્ય શોભાયાત્રાનું આયોજન કરાયું હતું. જેથી દિવાળી અને હોળી જેવું ઉત્સવપૂર્ણ વાતાવરણ સર્જાય. ગામલોકો ભવિષ્યમાં સુનીતાને તેમના પૈતૃક ગામમાં આમંત્રણ આપવા આતુર છે.
સુનીતા વિલિયમ્સના પિતા દીપક પંડ્યા મૂળ ઝુલાસણના વતની છે. તેમણે 1957માં અમેરિકા સ્થળાંતર કર્યું હતું.